اسلام آباد : وزیراعظم عمران خان نے کہا ہے کہ اکتوبرمیں پاکستان کےجاری کھاتےسر پلس ہوگئے، ہماری معاشی اصلاحات کاپھل ملناشروع ہوگیا ہے، پاکستانی معیشت درست سمت میں جارہی ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا پاکستان کی معیشت بالآخردرست سمت میں جارہی ہے، ہماری معاشی اصلاحات کا پھل ملنا شروع ہوگیا، اکتوبر میں پاکستان کے جاری کھاتے سرپلس ہوگئے، جاری کھاتوں کا یہ سر پلس 4 سال میں پہلی بار آیا ہے ، جاری کھاتے 9 کروڑ 90 لاکھ ڈالر سر پلس رہے ، گزشتہ سال اکتوبرمیں جاری کھاتوں میں 1ارب 28 کروڑ ڈالر کا خسارہ تھا۔
Pak economy finally heading in right direction as more of our economic reforms bear fruit: Pak’s current account turned into surplus in Oct 2019, for first time in 4 yrs. Current account balance was +$99 mn in Oct 2019 compared to -$284 mn in Sept 2019 & -$1,280 mn in Oct 2018
— Imran Khan (@ImranKhanPTI) November 19, 2019
عمران خان کا کہنا تھا کہ رواں مالی سال پہلے4ماہ میں جاری کھاتوں کےخسارےمیں73.5فیصدکمی آئی، اکتوبرمیں ہماری اشیااورخدمات کی برآمدات میں 20فیصدکااضافہ ریکارڈکیاگیا ، اشیا،خدمات کی برآمدات میں اکتوبر2018 کی نسبت9.6فیصد اضافہ ہوا، برآمد کنندگان کومبارکباد دیتا ہوں اور حوصلہ افزائی کرتاہوں تاکہ یہ مزید آگے بڑھیں۔
For first 4 months of our fiscal year our current account deficit has fallen by 73.5 % compared to same period last fiscal yr. Our exports of goods & services in Oct 2019 rose 20% over previous month and 9.6% over Oct 2018. I congratulate our exporters & encourage them to do more
— Imran Khan (@ImranKhanPTI) November 19, 2019
یاد رہے حکومت کے مؤثر معاشی اقدامات کے باعث پاکستان کا کرنٹ اکاؤنٹ سرپلس ہوگیا ہے ، اس حوالے سے ترجمان اسٹیٹ بینک آف پاکستان نے کہا تھا کہ پاکستان کا کرنٹ اکاؤنٹ ساڑھے4سال بعد سر پلس ہوا، اکتوبر میں کرنٹ اکاؤنٹ 9 کروڑ 90 لاکھ ڈالرسرپلس رہا۔
مزید پڑھیں : پاکستان کا کرنٹ اکاؤنٹ ساڑھے چار سال بعد سرپلس ہوگیا، اسٹیٹ بینک
اسٹیٹ بینک کے مطابق جولائی تا اکتوبر کرنٹ اکاؤنٹ خسارے میں4.49ارب ڈالر ریکارڈ کمی ہوئی، جولائی تا اکتوبر کرنٹ اکاؤنٹ خسارہ گھٹ کر1.47ارب ڈالر رہ گیا، اسٹیٹ بینک کے مطابق گزشتہ مالی سال جولائی تا اکتوبرکرنٹ اکاؤنٹ خسارہ5.56ارب ڈالر تھا۔
