تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

قوم منی لانڈرنگ کرنے والوں کی بڑائی کرنا بند کرے ، وزیراعظم عمران خان

اسلام آباد : وزیراعظم عمران خان نے کہا منی لانڈرنگ کرنے والوں نے ہماری قوم کونقصان پہنچایا، قوم منی لانڈرنگ کرنے والوں کی بڑائی کرنابند کرے،  وقت آگیا ہے منی لانڈرنگ کرنے والوں سے مجرمان کا سا برتاؤ کیا جائے۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا منی لانڈرنگ کرنے والوں نے ہماری قوم کونقصان پہنچایا ،منی لانڈرنگ کرنےوالوں نےلوگوں کوغربت میں دھکیلا، قوم منی لانڈرنگ کرنے والوں کی بڑائی کرنا بند کرے۔

عمران خان کا کہنا تھا آج منی لانڈرنگ کرنے والے جمہوریت کے پیچھے پناہ لیناچاہتے ہیں، منی لانڈرنگ کرنے والوں کو کوئی پروٹوکول نہیں ملنا چاہیے،کہاں عوام کی دولت لوٹنے والوں سے خصوصی برتاؤ کیا جاتا ہے؟ وقت آگیا ہے منی لانڈرنگ کرنےوالوں سےمجرمان کاسابرتاؤکیاجائے۔

گذشتہ روز وزیراعظم نے قوم سے خطاب میں دس سال میں قرضہ چھ ہزارارب روپےسے تیس ہزار ارب روپےہونے پر تحقیقات کیلئے  اپنی سربراہی میں اعلیٰ اختیاراتی کمیشن بنانےکااعلان کرتے ہوئے کہا تھا  اس کمشین کے ذریعے پتہ لگائیں گےکہ دس سال میں چوبیس ہزارارب روپےکا قرضہ کیسے چڑھا، اس کمیشن میں ایف آئی اے،آئی بی،آئی ایس آئی ، ایف بی آر اور ایس ای سی پی کے نمائندے شامل ہوں گے۔

مزید پڑھیں : دس سال میں قرضہ 24 ہزار ارب تک کیسے پہنچا؟ وزیر اعظم کا اعلیٰ سطح کا کمیشن بنانے کا اعلان

عمران خان کا شریف خاندان اورزرداری فیملی کی کرپشن سے متعلق کہنا تھا شہبازشریف کی فیملی نےچھبیس ملین ڈالرکی منی لانڈرنگ کی اور زرداری فیملی کی ایک سوارب روپےکی منی لانڈرنگ سامنےآئی، ائیرپورٹ سےپکڑجانےوالی خاتون سےپانچ لاکھ ڈالرملے،وہ خاتون پچہتردفعہ ملک سےباہرگئی۔ یہ دونوں ڈاکو پہلے ایک دوسرےکوکرپٹ کہتےتھے،آج اکھٹےہوگئےہیں۔

وزیراعظم کا کہنا تھا کوئی بلیک میل کرنے کی کوشش نہ کرے، حکومت تو بہت چھوٹی چیز ہے،  میری جان بھی چلی جائے تو چوروں اور ڈاکوؤں کو نہیں چھوڑوں گا، میں نے قوم سے وعدہ کیا ہے، کسی کرپٹ کو نہیں چھوڑوں گا، آج جو بڑے بڑے لوگ جیلوں میں ہیں یہ ہے تبدیلی۔

Comments

- Advertisement -