The news is by your side.

Advertisement

کراچی میں لوڈشیڈنگ، وزیراعظم کا ایکشن ، کے الیکٹرک حکام جمعے کو طلب

اسلام آباد : وزیراعظم عمران خان نے کراچی میں لوڈشیڈنگ کے معاملے پر جمعے کو کے الیکٹرک حکام کو طلب کرلیا، کابینہ اجلاس میں بھی کے الیکٹرک کا معاملہ زیر بحث آیا تھا۔

تفصیلات کے مطابق کراچی میں لوڈشیڈنگ پر وزیراعظم نے ایکشن لیتے ہوئے جمعے کو کے الیکٹرک حکام کو طلب کرلیا جبکہ وزیراعظم کی زیرصدارت اہم اجلاس بھی ہوگا، جس میں  عمران خان کو کے الیکٹرک کے ساتھ معاملات پر بریف کیاجائے گا۔

گذشتہ روز وزیراعظم عمران خان کی زیرصدارت کابینہ اجلاس میں بھی کے الیکٹرک کا معاملہ زیر بحث آیا تھا جبکہ کابینہ اجلاس میں ابراج گروپ اوربلاول کےالزامات کا بھی ذکر ہوا۔

وفاقی وزیرفیصل واوڈانے معاملہ وزیراعظم اورکابینہ ارکان کےسامنےاٹھایا اور کہا تھا بلاول بھٹوکی رپورٹ خودپیپلزپارٹی کیخلاف چارج شیٹ ہے۔

مزید پڑھیں : وفاقی کابینہ کا اجلاس، کے الیکٹرک کا معاملہ انرجی کمیٹی  کے سپرد

کابینہ اجلاس میں کے الیکٹرک کا معاملہ انرجی کمیٹی کےسپرد کردیا گیا جبکہ کےالیکٹرک اورگیس کی قیمتوں سےمتعلق فیصلہ ایک ہفتے کے لیے موخر کردیا گیا تھا۔

یاد رہے گذشتہ ہفتے گورنرہاؤس میں غیراعلانیہ لوڈ شیڈنگ کے حوالے سے اہم اجلاس ہواتھا، جس کے بعد گورنرسندھ عمران اسماعیل اوروفاقی وزیراسد عمر نے کل سے کراچی میں غیراعلانیہ لوڈشیڈنگ ختم ہونےکااعلان کیا تھا، اسد عمر نے کہا تھا اگر رویہ درست نہیں ہوا تو وفاق کےالیکٹرک کو اپنی تحویل میں لے سکتا ہے۔

Comments

یہ بھی پڑھیں