اسلام آباد : وزیراعظم عمران خان نے جی الیون سگنل پر حادثے ، وزرا کی سیکیورٹی اور پروٹوکول کا نوٹس لیتے ہوئے واقعے سے متعلق فوری رپورٹ طلب کر لی۔
تفصیلات کے مطابق وزیراعظم کی زیر صدارت وفاقی کابینہ کا اجلاس ہوا، جس میں ملک کی مجموعی سیاسی، معاشی اور سلامتی کی صورت حال پر غور کیا گیا، وزارت داخلہ نے نجی ہاؤسنگ سوسائٹی پارک ویو سےمتعلق بریفنگ دی۔
وزیر داخلہ شیخ رشید نے بتایا کہ آئندہ ہفتے زمین کے معاملے پر نئی تجاویز دیں گے، اسلام آباد ہائیکورٹ نے سوسائٹی کی غیر قانونی تعمیرات گرانے کا حکم دیا تھا ، عدالت نےسوسائٹی کےمستقبل کیلئےسی ڈی اےکوفیصلے کی ہدایت کی تھی ، ہائیکورٹ کےاحکامات پرمعاملہ وفاقی کابینہ کے سامنے بھی رکھا گیا ہے۔
ذرائع کا کہنا ہے کہ وزیراعظم کووزراکی پارلیمنٹ اجلاسوں میں حاضری کی رپورٹ پیش کی گئی ، جس پر وزیراعظم نے عمر ایوب اور حماد اظہر کی پارلیمانی کارکردگی کی تعریف کی۔
وزیراعظم عمران خان نے تمام وزراکوحاضری یقینی بنانے کی ہدایت کرتے ہوئے کہا پارلیمنٹ پوری قوم کانمائندہ فورم ہےجہاں ہروزیرجوابدہ ہیں، جمہوریت مضبوط کرنی ہےتوپارلیمنٹ کومضبوط بناناہوگا۔
اجلاس میں وزیراعظم عمران خان نے جی الیون سگنل پر حادثے کا نوٹس لیتے ہوئے واقعےسے متعلق فوری رپورٹ طلب کر لی۔
عمران خان نے وزرا کی سیکیورٹی اور پروٹوکول کا بھی نوٹس لیتے ہوئے کہا وزرا سیکیورٹی کے نام پر سرکاری وسائل کا غیرضروری استعمال نہیں کر سکتے ، وزراکے پاس کتنی سیکیورٹی ہے؟ رپورٹ دی جائے۔
