The news is by your side.

Advertisement

وزیراعظم عمران خان آج قومی اسمبلی سے خطاب کریں گے

اسلام آباد : وزیراعظم عمران خان آج قومی اسمبلی سے خطاب کریں گے، جس میں بجٹ کی منظوری پر ارکان پارلیمنٹ کا شکریہ ادا کریں گے۔

تفصیلات کے مطابق قومی اسمبلی کا ہنگامہ خیز اجلاس آج دن گیارہ بجے ہوگا ، جس میں وزیراعظم عمران خان آج قومی اسمبلی سے خطاب کریں گے، عمران خان اپنے خطاب میں بجٹ کی منظوری پر ارکان پارلیمنٹ کا شکریہ ادا کریں گے۔

اجلاس میں اپوزیشن لیڈر شہباز شریف کی بھی شرکت کا امکان ہے جبکہ تمام پیپلزپارٹی کے جیالے بھی ایوان میں موجود ہوں گے۔

گذشتہ روز قومی اسمبلی نے وفاقی بجٹ کی منظوری دی تھی اور فنانس بل 2021-22 ترامیم کے ساتھ کثرت رائے سے منظور کرلیا گیا تھا۔

بعد ازاں وفاقی وزیراطلاعات فوادچوہدری نے میڈیا سے گفتگو کرتے ہوئے کہا تھا کہ وفاقی بجٹ بڑی آسانی سےپاس ہوگیا ہے ، قومی اسمبلی میں ہمارےتمام ارکان موجودتھے تاہم لگتا ہے کہ ن لیگ میں پاورکرائسزبڑھ گیاہے ، شہبازشریف بھی نہیں آئے اور ن لیگ کے30ارکان غیرحاضرتھے۔

فواد چوہدری کا کہنا تھا کہ آج پی ٹی آئی اوراتحادیوں نےوزیراعظم پراعتمادکااظہارکیا، غریبوں کوریلیف دےکرشاندار بجٹ ہے، ملازمین کی تنخواہ بڑھ گئی، ٹیکس نہیں لگے، موجودہ بجٹ تاریخ کاسب سےبڑاترقیاتی بجٹ ہے۔

Comments

یہ بھی پڑھیں