The news is by your side.

Advertisement

‘وزیراعظم پاکستان آج قوم سے تاریخی خطاب کریں گے’

اسلام آباد :وزیراعظم عمران خان آج قوم سے تاریخی خطاب کریں گے، جس میں وہ موجودہ صورتحال پر قوم کو اعتماد میں لیں گے۔

تفصیلات کے مطابق وفاقی وزیر فواد چوہدری نے سماجی رابطے کی ویب سائٹ‌ ٹوئٹر پر وزیراعظم پاکستان کی قوم سے خطاب کی تصدیق کرتے ہوئے کہا ہے کہ وزیراعظم آج شام ساڑھے 4بجے قوم سے خطاب کریں گے۔

دوسری جانب وزیرداخلہ شیخ رشید نے امن و امان کے اجلاس کے بعد میڈیا سے گفتگو کرتے ہوئے کہا ہے کہ وزیراعظم کو امن و امان کی صورتحال پر بریفنگ دی ہے، وزیراعظم آج قوم سے تاریخی خطاب کریں گے۔

شیخ رشید کا کہنا تھا کہ ناموس رسالت پر ہم ساتھ ہیں، کسی ایسے کام میں شامل نہیں جس سےپاکستان کو نقصان پہنچے۔

انھوں نے مزید کہا کہ آج کچھ دیر میں تحریک لبیک والوں سے مذاکرات ہوں گے، مذاکرات میں معاملات بہتری کی طرف جا رہے ہیں۔

Comments

یہ بھی پڑھیں