The news is by your side.

Advertisement

وزیراعظم عمران خان آج مانسہرہ میں جلسے سے خطاب کریں گے

اسلام آباد : وزیراعظم عمران خان آج مانسہرہ میں جلسے سے خطاب کریں گے۔سینیٹر فیصل جاوید کا کہنا ہے کہ یہ حق اور باطل کی جنگ ہے، فیصلہ کن گھڑی میں پوری قوم حق کے ساتھ ہے۔

تفصیلات کے مطابق پاکستان تحریک انصاف کی عوامی رابطہ مہم جاری ہے ، اس سلسلے میں سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم عمران خان آج مانسہرہ ہزارہ میں جلسہ عام سے خطاب کریں گے ، عمران خان نےاللہ کےبعد اپنی قوم سے رجوع کیا اور انشاء اللہ یہ قوم کبھی عمران خان کو مایوس نہیں کرے گی ، جیسے کپتان نے کبھی اپنی قوم کو مایوس نہیں کیا، یہ حق اور باطل کی جنگ ہے اور فیصلہ کن گھڑی میں پوری قوم حق کے ساتھ ہے۔

فیصل جاوید کا کہنا تھا کہ عمران خان جیت چکے ہیں، اپوزیشن کا مقابلہ کسی روایتی وزیراعظم سے نہیں ، عمران خان سے ہے، پوری قوم اپنے لیڈر کپتان کے ساتھ ہے، جب عوام اپنا فیصلہ کرلے تو عوام کے نمائندے انکے خلاف جا کر اپنی سیاست ہی ختم کریں گے، جو ہورہا ہے بہترین ہے- یہ ایک عظیم قوم بننے جارہی ہے – انشاء اللہ

Comments

یہ بھی پڑھیں