The news is by your side.

Advertisement

وزیراعظم کل سی پیک کےتحت پاکستان کے پہلے صنعتی زون کا افتتاح کریں گے

پشاور: وزیراعظم عمران خان کل رشکئی صنعتی زون کا افتتاح کریں گے ، رشکئی صنعتی زون ملک کا پہلا صنعتی زون ہے، جو سی پیک کا حصہ ہے۔

تفصیلات کے مطابق سی پیک کےتحت پاکستان کا پہلا رشکئی صنعتی زون نوشہرہ میں کام تیزی سے جاری ہے ، سرکاری حکام کا کہنا ہے کہ وزیراعظم عمران خان کل رشکئی صنعتی زون کا افتتاح کریں گے ، افتتاحی تقریب کیلئےانتظامات کو حتمی شکل دے دی گئی ہے۔

تقریب میں وزیراعظم عمران خان، گورنر،وزیراعلیٰ کے پی اور چینی حکام و صنعت کار شرکت کریں گے ، رشکئی صنعتی زون ملک کا پہلا صنعتی زون ہے، جو سی پیک کا حصہ ہے ،سرکاری حکام

رشکئی صنعتی زون سے بل واسطہ،بلاواسطہ ڈھائی لاکھ سےزائدروزگارکےمواقع ہوں گے ، چین 1ہزار کنال پرمشتمل رشکئی صنعتی زون کیلئے91فیصدمالی تعاون کررہاہے۔

یاد رہے مارچ میں وفاقی وزیر اسد عمر کی زیر صدارت رشکئی اقتصادی زون میں جاری ترقیاتی منصوبوں کا جائزہ لینے سے متعلق اجلاس ہوا تھا ، جس میں بتایا گیا تھا کہ دو ہزار سے زائد سرمایہ کاروں نے خصوصی اقتصادی زون میں سرمایہ کاری کیلئےدرخواستیں دی ہیں، رشکئی زون میں کیمپ آفس قائم کیا جا چکا ہے، صنعتی یونٹ نے زون کے اندر اپنا تعمیراتی کام شروع کر دیا ہے.

Comments

یہ بھی پڑھیں