اسلام آباد : وزیراعظم عمران خان آج’’کوئی بھوکا نہیں سوئے گا‘‘ پروگرام کا آغاز کریں گے ، پروگرام کے تحت شاہراؤں اور چوراہوں پر غریبوں کو کھانے کی سہولت فراہم ہوگی۔
تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ ریاست مدینہ کی جانب ایک اور اہم قدم کرتے ہوئے وزیر اعظم عمران خان آج’’کوئی بھوکا نہیں سوئے گا‘‘پروگرام کا آغاز کریں گے، وزیراعظم نےسال کے آغاز پراس پروگرام کےعزم کا اظہار کیا تھا، اب اس پروگرام کا باقاعدہ آغاز کیا جا رہا ہے۔
ریاست مدینہ کی جانب ایک اور اہم قدم – ماشاءاللہ وزیر اعظم عمران خان آج
"کوئی بھوکا نہیں سوئے گا”
پروگرام کا آغاز کریں گے – انھوں نے اس سال کے آغاز میں اس پروگرام کے عزم کا اظہار کیا تھا اب اسکا کا باقاعدہ آغاز کیا جا رہا ہے#کوئی_بھوکا_نہیں_سوئے_گا
— Faisal Javed Khan (@FaisalJavedKhan) March 9, 2021
فیصل جاوید کا کہنا تھا کہ اس پروگرام میں موبائل وین سے بھی خدمات لیں جائیں گی، شاہراؤں،چوراہوں پرغریبوں کوکھانے کی سہولت فراہم ہوگی اور وقت کیساتھ ساتھ اس پروگرام کادائرہ کارپورےملک تک پھیلایاجائے گا۔
اس پروگرام میں موبائل وین سے بھی مصروف شاہراوں اور چوراہوں پر کام کرنے والے دیہاڑی دار مزدورں اور غریب افراد کو موقع پر تازہ اور گرم کھانے کی سہولت فراہم ہوگا –
وقت کے ساتھ ساتھ اس پروگرام کا دائرہ کار پورے پاکستان تک پھیلایا جائے گا – #کوئی_بھوکا_نہیں_سوئے_گا
— Faisal Javed Khan (@FaisalJavedKhan) March 9, 2021
یاد رہے رواں سال کے آغاز میں وزیراعظم عمران خان نے احساس پروگرام کے اندرنیا پروگرام “کوئی پاکستانی بھوکا نہ سوئے” شروع کرنے کا اعلان کرتے ہوئے کہا تھا اس پروگرام میں قوم،این جی اوز کوشامل کریں گے، 2021ترقی کا سال ہے، پاکستان درست سمت میں جارہا ہے۔