اسلام آباد: وزیر اعظم عمران خان آج رحمت اللعالمین اسکالرشپ پروگرام کاآغاز کریں گے، جس کے تحت کم آمدنی والے گھرانوں کے طلبا کو انڈر گریجویٹ تعلیم تک رسائی ملے گی۔
تفصیلات کے مطابق وزیر اعظم عمران خان آج رحمت اللعالمین اسکالرشپ پروگرام کاآغاز کریں گے ، ائیر ایجوکیشن کمیشن کے ذریعے وفاقی سطح پر پروگرام کا آغاز کیا جارہا ہے۔
حکومت نےکم آمدنی والے گھرانوں کے طلبا کے لئے اسکالرشپ پروگرامزکااعلان کیاہے ، نظام تعلیم میں اصلاحات کی پالیسی کے ضمن میں اسکالر شپس کااعلان کیاگیا، کم آمدنی والےگھرانوں کےطلباکوانڈرگریجویٹ تعلیم تک رسائی ملے گی۔
پروگرام کے لئے 27.93 بلین روپےبجٹ کی منظوری دی گئی ہے ، رحمت اللعالمین اسکالرشپ پروگرام کابجٹ 5 سال میں استعمال ہوگا۔
پروگرام کوملک کی 129 پبلک سیکٹر یونیورسٹیزمیں نافذ کیا جائے گا جبکہ صوبےبھی رحمت اللعالمین اسکالرشپ پروگراموں پر عمل پیرا ہیں۔
پنجاب میں اس پروگرام کے لئے سالانہ 1.0 ارب روپےبجٹ منظورہے جبکہ رحمت اللعالمین اسکالر شپ پروگرام کےپی میں بھی پیش کیا جائے گا ، کے پی کے لئےبجٹ 427 ملین ہے اور اس کے ساتھ موجودہ اسکالرشپس شامل کی جائیں گی۔
