لاہور : وزیراعظم عمران خان آج پاکستان کی تقدیر بدلنے والے پروگرام کا آغاز کریں گے ، منصوبے کے آغاز سے پراپرٹی، زمینوں ،جائیدادوں میں انقلاب آئے گا۔
تفصیلات کے مطابق معاون خصوصی شہباز گل نے سماجی رابطے کی ویب سائٹ ٹوئٹر پر وزیر اعظم عمران خان کے انقلابی منصوبے پر بیان میں کہا کہ وزیراعظم آج ڈیجیٹل لینڈ ریکارڈ کے انقلابی منصوبے کا آغاز کریں گے ، منصوبے کےآغاز سےپراپرٹی، زمینوں ،جائیدادوں میں انقلاب آئے گا۔اب کوئی بھی فرد ،مافیا سرکاری یا نجی زمین پرقبضہ نہیں کر سکے گا۔
معاون خصوصی کا کہنا تھا کہ منصوبہ لانچ ہونے پر اربوں کی سرکاری اراضی واگزار ہوگی اور اسلام آباد میں300ارب سے زائدحکومتی زمین واپس ملی۔
انشاللہ آج وزیراعظم عمران خان ایک ایسے منصوبے کا آغاز کرنے جا رہے ہیں جس سے پاکستان میں ایک انقلاب آئے گا۔آپکو کو کوئی جعلی پلاٹ، رشوت لے کر جھوٹی فرد،سرکاری یا نجی زمین پر جعلی قبضہ نہیں کر سکے گا۔اسی منصوبے سے صرف اسلام آباد میں 300 ارب سے زیادہ حکومتی زمین حکومت کو واپس ملی pic.twitter.com/5CmrzvZIaS
— Dr. Shahbaz GiLL (@SHABAZGIL) September 8, 2021
ڈاکٹر شہباز گل نے کہا کہ اس منصوبے سے زمینوں کےتنازعات ختم، انصاف میں شفافیت آئے گی ، اب قبضہ مافیا کیخلاف خودبخودگھیرا تنگ ہو جائےگا ،یہ ہوتا ہےانقلاب۔
کرپشن کے خاتمے اور ٹیکس محصولات میں اضافے کیلئے حکومت کا ایک اور احسن اقدام
لینڈ ریکارڈز ڈیجیٹائزیشن کی بدولت عوام کو پراپرٹی اثاثہ جات کی تصدیق و انتقال سمیت دیگر خدمات کی بہتر فراہمی ممکن ہو گی۔ pic.twitter.com/3B6A0Au9sD
— Government of Pakistan (@GovtofPakistan) September 8, 2021