اسلام آباد : وزیر اعظم عمران خان آج مسلم ممالک کےسفیروں سے ملاقات کریں گے ، جس میں اسلامو فوبیا کیخلاف یکساں مؤقف اپنانے پر زور دیں گے۔
تفصیلات کے مطابنق عالمی سطح پر اسلامو فوبیا کے خلاف اقدامات کیلئے وزیر اعظم متحرک ہیں ، اس سلسلے میں وزیر اعظم عمران خان آج پاکستان میں تعینات مسلم ممالک کے سفیروں سے ملاقات کریں گے۔
ملاقات میں وزیراعظم اسلامو فوبیا کیخلاف یکساں مؤقف اپنانے پر زور دیں گے اور رحمت للعالمین ﷺاتھارٹی کی افادیت پر بات کریں گے۔
یاد رہے وزیراعظم عمران خان نے تمام مذاہب کےافرادکی دل آزاری روکنے کے لئے اقدامات پر زور دیتے ہوئے کہا تھا کہ اسلاموفوبیا کے خاتمے کے لیے مشترکہ کوششوں کی ضرورت ہے، اوآئی سی عالمی سطح پرآگاہی پھیلانے میں کردار ادا کرے۔
عمران خان کا کہنا تھا کہ مغربی دنیاکو بتاناچاہتےہیں حضورﷺہمارےدلوں میں رہتےہیں، ان کے خلاف کوئی بات برداشت نہیں کریں گے، مغربی دنیا کو بے حرمتی پر جواب دینا ہوگا۔
