The news is by your side.

Advertisement

وزیراعظم عمران خان اپنا کرونا ٹیسٹ کرائیں گے

اسلام آباد: وزیراعظم عمران خان کے فوکل پرسن برائے کرونا وائرس ڈاکٹر فیصل کا کہنا ہے کہ وزیراعظم اپنا کرونا ٹیسٹ کرائیں گے۔

تفصیلات کے مطابق ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آنے کے بعد وزیراعظم عمران خان بھی اپنا کرونا ٹیسٹ کرائیں گے۔

وزیراعظم عمران خان کے فوکل پرسن برائے کرونا وائرس ڈاکٹر فیصل کا کہنا تھا کہ کچھ روز قبل فیصل ایدھی نے وزیراعظم عمران خان سے ملاقات کی تھی۔

ڈاکٹر فیصل نے بتایا کہ بطور ذمہ دار شہری وزیراعظم عمران خان نے اپنا کرونا ٹیسٹ کرانے پر رضامندی ظاہر کی ہے اور جلد ان کا ٹیسٹ لیا جائے گا۔

یاد رہے کہ گزشتہ دنوں فیصل ایدھی نے وزیراعظم عمران خان سے ملاقات کی تھی اور انہیں کرونا ریلیف فنڈ کے لیے چیک پیش کیا تھا۔

سندھ حکومت نے فیصل ایدھی کی فیملی کا کرونا ٹیسٹ کرانے کے احکامات جاری کر دیے ہیں، محکمہ صحت سندھ نے سول اسپتال کو ہدایت جاری کی۔

ذرائع محکمہ صحت کا کہنا ہے کہ فیصل ایدھی سے پہلے ان کے بیٹے کا بھی کروناٹیسٹ پازیٹو آیا تھا، جس کے بعد فیصل ایدھی کو کچھ دن گھر میں رہنےکی ہدایت کی گئی تھی، فیصل ایدھی 4 دن سےاسلام آباد میں تھے شک ہے وائرس وہیں سےمنتقل ہوا۔

Comments

یہ بھی پڑھیں