The news is by your side.

Advertisement

مون سون بارشیں : وزیراعظم کی شہریوں کو خصوصی احتیاط برتنے کی تاکید

اسلام آباد : وزیراعظم عمران خان نے مون سون بارشوں کے پیش نظر شہریوں کو خصوصی احتیاط برتنے کی تاکید کرتے ہوئے کہا کہ این ڈی ایم اے سمیت متعلقہ ادارے الرٹ رہیں۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر راولپنڈی اور اسلام آباد میں بارش کے بعد پیدا ہونے والی صورتحال پر اپنے پیغام میں مون سون بارشوں کے پیش نظر شہریوں کو خبردار کرتے ہوئے کہا خصوصی خیال رکھنے کی ہدایت کی۔

وزیراعظم نے ہدایت کی کہ این ڈی ایم اے سمیت متعلقہ ادارے کسی بھی ہنگامی صورتحال سےنمٹنے کیلئے الرٹ رہیں اور بارشوں کے پیش نظر تمام ادارے بروقت ایکشن لیں۔

یاد رہے اسلام آباد اور راولپنڈی میں طوفانی بارشوں نے تباہی مچادی ہے ، کچھ علاقوں میں تین سو تیس ملی میٹر تک بارش ریکارڈ کی گئی اور سیکٹر ای الیون میں سیلابی صورتحال رہی جبکہ متعدد گاڑیاں بہہ گئیں۔

مسلسل بارش سے راول ڈیم میں پانی کی سطح تیزی سے بلند ہورہی ہے اور گنجائش انتہائی کم رہ گئی جبکہ نالہ لئی میں بھی طغیانی کا خدشہ ہے۔

Comments

یہ بھی پڑھیں