The news is by your side.

Advertisement

وزیراعظم کا پمز اسپتال کے کورونا وارڈ کا اچانک دورہ

اسلام آباد: وزیراعظم عمران خان نے پمز اسپتال کے کورونا وارڈ کا اچانک دورہ کیا اور مریضوں کو دستیاب سہولیات کا جائزہ لیا۔

اے آر وائی نیوز کے مطابق وزیراعظم عمران خان پمز کے کورونا وارڈ پہنچ گئے، عمران خان نے سربراہ پمز ڈاکٹر منہاج سے ملاقات کی اور ڈاکٹرز سے کورونا کی صورت حال پر گفتگو کی، اسپتال کے عملے نے وزیراعظم کو کورونا مریضوں کی صورت حال سے آگاہ کیا۔

وزیراعظم نے اسپتال میں دستیاب سہولیات، کورونا ویکسین سے متعلق ڈاکٹرز سے استفسار کیا۔

سربراہ پمز اسپتال ڈاکٹر منہاج کا کہنا تھا کہ وزیراعظم بغیر پروٹوکول کے اسپتال آئے ان کے ہمراہ فیصل جاوید تھے، انہوں نے کورونا آئیسولیشن وارڈ کا دورہ کیا اور مریضوں کے لیے دستیاب سہولیات کا جائزہ لیا۔

ڈاکٹر منہاج نے وزیراعظم کو بریفنگ دیتے ہوئے بتایا کہ کورونا مریضوں کو بہترین طبی سہولتیں دی جارہی ہیں، کورونا مریضوں کے لیے آکسیجن، ادویات کا وافر ذخیرہ موجود ہے۔

وزیراعظم نے پمز اسپتال میں کورونا مریضوں کے علاج معالجے پر اطمینان کا اظہار کرتے ہوئے پمز انتظامیہ کو ایس او پیز پر سختی سے عملدرآمد کی ہدایت کی۔

ان کا کہنا تھا کہ کورونا کی تیسری لہر خطرناک ہے، ایس او پیز پر زیادہ سختی سے عملدرآمد کرنا ہوگا۔

Comments

یہ بھی پڑھیں