اسلام آباد: وزیر اعظم عمران خان، وزیراعلیٰ پنجاب اور معاون خصوصی ڈاکٹر فردوس عاشق اعوان نے مسیحی برادری کو ان کے مذہبی تہوار پر مبارکباد دی ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر مسیحی برادری کو ایسٹر پر مبارکباد دیتے ہوئے کہا کہ اپنے تمام مسیحی شہریوں کو ایسٹر کی مبارکباد دیتا ہوں۔
Wishing all our Christian citizens a happy Easter.
— Imran Khan (@ImranKhanPTI) April 4, 2021
وزیراعلیٰ پنجاب سردار عثمان بزدار نے بھی مسیحی برادری کو ایسٹر کی مبارکباد دی ہے، اپنے بیان میں سردار عثمان بزدار نے کہا کہ ایسٹر کا حقیقی پیغام دوسروں کی خوشیاں بانٹنا ہے،مسیحی برادری کی خوشی میں برابر کے شریک ہیں۔
وزیراعلیٰ پنجاب نے کہا کہ پاکستان سب کا ہے، سب کو برابر حقوق حاصل ہیں، ملکی دفاع کیلئےمسیحی برادری نےگرانقدر خدمات سرانجام دیں، پاکستان کی تعمیر و ترقی کیلئے اقلیتوں کو ساتھ لےکرچلیں گے۔
ایسٹر پر جاری اپنے پیغام میں سردار عثمان بزدار کا کہنا تھا کہ کرونا کے پیش نظر ماسک ضرور پہنیں اور سماجی فاصلہ اختیار کریں۔
دوسری جانب وزیراعلیٰ پنجاب کی معاون خصوصی فردوس عاشق اعوان کی ایسٹر پر مسیحی برادری کو مبارکباد دیتے ہوئے کہا کہ پاکستان میں اقلیتوں کو مساوی حقوق اور مواقع دستیاب ہیں، وطن عزیز کیلئے مسیحی برادری کی بے پناہ قربانیاں اور خدمات ہیں، پنجاب حکومت اقلیتوں کے حقوق کا تحفظ یقینی بنارہی ہے۔
▪︎اعلی تعلیم کیلئے اقلیتوں کا 2% کوٹہ
▪︎5ہزار اقلیتی طلباء کی ووکیشنل ٹریننگ
▪︎تہوار کے مواقع پر اقلیتی قیدیوں کو برابری کی رعایت
▪︎سرکاری نوکریوں میں اقلیتوں کو 5%کوٹہ کے تحت 19ہزار نوکریاں دی جائینگی۔
▪︎30کروڑ کی لاگت سے یوحنا آباد کو Model Locality بنایا جارہا ہے۔— Dr. Firdous Ashiq Awan (@Dr_FirdousPTI) April 3, 2021
فردوس عاشق اعوان نے اپنے ٹوئٹ میں کہا کہ اعلیٰ تعلیم کیلئےاقلیتوں کا دو فیصد کوٹہ مختص کیا گیا ہے، پانچ ہزار اقلیتی طلبہ کی ووکیشنل ٹریننگ کرائی گئی، 30کروڑ کی لاگت سے یوحنا آباد کو ماڈل لوکیلیٹی بنایا جارہا ہے۔
معاون خصوصی وزیراعلیٰ پنجاب کا مزید کہنا تھا کہ سرکاری نوکریوں میں اقلیتوں کو پانچ فیصد کوٹےکے تحت 19ہزار نوکریاں دینگے،ا س کے علاوہ مسیحی کمیونٹی کے نکاح کا نادرا سسٹم میں اندراج کیا جارہا ہے۔
مسیحی تہوار وں میں مرکزی اہمیت رکھنے والا تہوار ایسٹر آج دنیا بھر میں منایا جارہا ہے‘ یہ تہوار 22 مارچ سے 25 اپریل کے درمیان ہر سال الگ الگ تاریخوں پر منایا جا تا ہے‘ 21 مارچ کے بعد آنے والے پہلے اتوار کے بعد آنے والے اتوار کو ایسٹر منایا جاتا ہے۔
