پشاور: وزیر اعظم عمران خان کے ایک روزہ دورہ پشاور کے دوران انہیں عوامی فلاح و ترقیاتی منصوبوں بالخصوص ایگریکلچر ٹرانسفارمیشن پلان اور جنگلات کے تحفظ کے منصوبے کے بارے میں آگاہی دی گئی۔
تفصیلات کے مطابق وزیر اعظم عمران خان نے صوبہ خیبر پختونخواہ کے دارالحکومت پشاور کا ایک روزہ دورہ کیا، وزیر اعظم سے گورنر شاہ فرمان اور وزیر اعلیٰ محمود خان کی ملاقات ہوئی۔
ملاقات میں صوبے میں سیاسی صورتحال، انتظامی امور اور امن و امان کی صورتحال پر گفتگو ہوئی۔
وزیرِ اعظم @ImranKhanPTI کا ایک روزہ دورہ پشاور
وزیرِ اعظم عمران خان سے گورنر خیبر پختونخوا @ShahFarman_PTI اور وزیرِ اعلی @IMMahmoodKhan کی ملاقات.
ملاقات میں صوبے میں سیاسی صورتحال، انتظامی امور اور امن و امان کی صورتحال پر گفتگو۔#KPKUpdates pic.twitter.com/yDkGtdgw2x
— PTI Khyber Pakhtunkhwa (@PTIKPOfficial) January 17, 2022
ملاقات میں عوامی فلاح و ترقیاتی منصوبوں بالخصوص ایگریکلچر ٹرانسفارمیشن پلان، جنگلات کے تحفظ کے منصوبے اور صحت کارڈ کی عوامی پذیرائی پر بھی گفتگو ہوئی۔
وزیر اعظم کو مہنگائی کی روک تھام کے لیے کیے گئے انتظامات اور ذخیرہ اندوزوں کے خلاف آپریشن پر پیش رفت سے متعلق آگاہی دی گئی۔
وزیر اعظم عمران خان نے عوامی فلاح کے منصوبوں کو ترجیحی بنیادوں پر مکمل کرنے کی ہدایت کی۔
