The news is by your side.

Advertisement

وزیر اعظم بہت جلد ننکانہ صاحب میں بابا گورونانک یونیورسٹی کا سنگ بنیاد رکھیں گے

ننکانہ صاحب : وفاقی وزیر داخلہ اعجاز احمد شاہ نے کہا ہے بابا گورونانک کے 550 ویں جنم دن تقریبات کے لئے مثالی انتظامات کے لئے تمام وسائل بروئے کار لائے جائیں گے ، وزیر اعظم عمران خان بہت جلد ننکانہ صاحب میں بابا گورونانک یونیورسٹی کا سنگ بنیاد رکھیں گے۔

تفصیلات کے مطابق ڈپٹی کمشنر آفس کمیٹی روم ننکانہ صاحب میں بابا گورونانک کے 550 ویں جنم دن تقریبات کے انتظامات اور ننکانہ صاحب شہر میں جاری مختلف ترقیاتی منصوبوں کے جائزہ لینے کے لئے اجلاس ہوا۔

اجلاس سے وفاقی وزیر داخلہ اعجاز شاہ نے خطاب کرتے ہوئے کہا ترقیاتی منصوبوں کی بروقت تکمیل اور شفافیت کو ہر صورت یقینی بنایا جائے گا اور بابا گورونانک کے 550 ویں جنم دن تقریبات کے لئے مثالی انتظامات کے لئے تمام وسائل بروئے کار لائے جائیں گے۔

وفاقی وزیر داخلہ کا کہنا تھا کہ سابقہ ادوار حکومتوں میں ہو نے والی کرپشن کا خمیازہ پوری قوم بھگت رہی ہے، عالمی اہمیت کے حامل ننکانہ صاحب شہر کی خوبصورتی کے لئے بھرپور اقدامات کئے جائیں گے۔

اعجاز شاہ نے کہا کہ وزیراعظم عمران خان بہت جلد ننکانہ صاحب میں بابا گورونانک یونیورسٹی کا سنگ بنیاد رکھیں گے، ملک میں قانون کی بالادستی کے لئے ہر ممکن اقدامات کئے جائیں گے۔

ان کا کہنا تھا کہ پاکستان میں تمام مذاہب کے ماننے والوں کو مکمل اور مثالی مذہبی آزادی حاصل ہے،حکومت اقلیتی برادری کے تحفظ کے لئے بھرپور اقدامات کر رہی ہے۔

وفاقی وزیر داخلہ نے کہا کہ بابا گورونانک کو تمام مذاہب میں قدر کی نگاہ سے دیکھا جاتا ہے اس لئے ان کا 550 واں جنم دن شایان و شان طریقے سے منایا جا ئے گا اور وزیر اعظم کی ہدایت پر دنیا بھر سے آنے والے سکھ یاتریوں کے لئے بہترین انتظامات کئے جائیں گے۔

اعجاز شاہ کا کہنا تھا کہ ملک اس وقت نازک حالات سے گزر رہا ہے،ملک کو بحرانوں سے نکالنے کے لئے ہر ایک کو اپنا اپنا کردار ادا کرنا ہو گا۔

Comments

comments

یہ بھی پڑھیں