فاٹا اصلاحات کے دوران ایسے ایسے مسائل سامنے آئے، جو کبھی سوچے نہ تھے: شاہد خاقان عباسی
The news is by your side.

Advertisement

فاٹا اصلاحات کے دوران ایسے مسائل سامنے آئے، جو کبھی سوچے نہیں تھے: شاہد خاقان عباسی

نوازشریف کے انٹرویو سے جومطلب نکالا گیا. وہ غلط تھا

اسلام آباد: وزیر اعظم شاہد خاقان عباسی نے کہا ہے کہ فاٹا اصلاحات کے دوران ایسے مسائل سامنے آئے، جو کبھی سوچے نہ تھے.

ان خیالات کا اظہار انھوں نے ایک انٹرویو میں‌ کیا. وزیراعظم نے کہا کہ 11 میں سے 9 فاٹا ارکان اسمبلی فاٹا اصلاحات کے حق میں ہیں.

پہلے دن سے یہ کہہ رہا ہوں کہ چوہدری نثار علی خان کہیں نہیں جاسکتے، چوہدری نثار پرانے ساتھی ہیں، جھگڑا نہیں، اختلاف رائے ہوسکتا ہے

وزیر اعظم شاہد خاقان عباسی

وزیراعظم شاہد خاقان عباسی نے کہا کہ الیکشن قریب ہیں، اس لیے بھی کچھ ارکان نے حمایت کی نہ مخالفت اور غیرجانب دار رہے.

ان کا کہنا تھا کہ میں پہلے دن سے یہ کہہ رہا ہوں کہ چوہدری نثار علی خان کہیں نہیں جاسکتے، چوہدری نثار پرانے ساتھی ہیں، جھگڑا نہیں، اختلاف رائے ہوسکتا ہے.

وزیراعظم نے دعویٰ کیا تنقید کرنے والے بیش تر افراد نے نوازشریف کا انٹرویو پڑھا ہی نہیں، نوازشریف کے انٹرویو سے جومطلب نکالا گیا. وہ غلط تھا.

ان کا کہنا تھا کہ انٹرویو سے متعلق بھارتی میڈیا جو بات کررہا ہے، ایسا کچھ نہیں تھا، انٹرویو سے متعلق اخبار میں جو آیا، وہ مس رپورٹنگ تھی، نوازشریف نے جو انٹرویو میں کہا، وہ درست کہا، کوئی نئی بات نہیں کی، ان کے انٹرویو کا جو تاثردیا گیا، وہ غلط تھا.

وزیراعظم شاہد خاقان عباسی کا کہنا تھا کہ نگراں وزیراعظم کا فیصلہ نہ ہو سکا تو پھر معاملہ کمیٹی میں جائے گا، اپوزیشن اور حکومت نے تین تین نام دیے، مگر اتفاق نہ ہوسکا، اگر اب بھی اتفاق نہ ہوسکا، تو کمیٹی کو دو دو نام دونوں طرف سےدیے جائیں گے.

وزیر اعظم نے کہا کہا کہ پرویز مشرف سےمتعلق عدالت جوہدایت دے گی، اس پرعمل ہوگا، ماضی میں بھی یہ طرز عمل اختیار کای گیا.


آج قومی اسمبلی نے تاریخی بل پاس کیا، نتائج مثبت ہوں گے، وزیراعظم


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں