The news is by your side.

Advertisement

کنٹونمنٹ بورڈ کے انتخابی نتائج کے حوالے سے وزیراعظم کا بڑا فیصلہ

اسلام آباد : وزیراعظم عمران خان نے بڑے شہروں سے کنٹونمنٹ بورڈ کے انتخابی نتائج توقع کے برعکس آنے پر تشویش کا اظہار کرتے ہوئے انتخابات پر تجزیاتی رپورٹ تیار کرانے کا فیصلہ کرلیا۔

تفصیلات کے مطابق کنٹونمنٹ بورڈ کے انتخابی نتائج پر وزیر اعظم نے مجموعی کامیابی پراطمینان کا اظہار کرتے ہوئے بڑے شہروں سے نتائج توقع کے برعکس آنے پر تشویش کا اظہار کیا۔

ذرائع کا کہنا ہے کہ وزیراعظم سے بعض شہروں کے ذمہ داران آج ملاقات بھی کریں گے جبکہ وزیر اعظم نے کنٹونمٹ بورڈ انتخابات پر تجزیاتی رپورٹ تیار کرانے کا فیصلہ کرتے ہوئے لاہور،پنڈی،ملتان،پشاورکےنتائج کی رپورٹ تیار کرنے کا حکم دیا۔

ذرائع کے مطابق پارٹی کے سینئر رہنما ماضی کے نتائج سے موازنے کی رپورٹ تیار کریں گے، ووٹرزحکومتی اقدامات سےناخوش یامقامی قیادت شکست کی وجہ بنی،تجریہ ہوگا،رپورٹ میں ووٹ بینک بڑھنے یا کم ہونے کے حقائق سامنے لائےجائیں گے۔

ذرائع نے بتایا کہ امیداروں کاچناؤ،ووٹرز سےپارٹی قائدین کارویہ بھی رپورٹ میں شامل ہوگا۔

خیال رہے کنٹونمنٹ بورڈزالیکشن کا میدان تحریک انصاف کے نام کرلیا تھا ، پاکستان تحریک انصاف 62 نشستوں کےساتھ سب سےآگے رہی جبکہ ن لیگ کو 59 نشستیں ، پیپلز پارٹی17 اور ایم کیوایم پاکستان کو 10 نشستیں ملیں۔

Comments

یہ بھی پڑھیں