راولپنڈی : وزیر اعظم شاہد خاقان عباسی کا کہنا ہے کہ افواج کو مادر وطن کے تحفظ کیلئے تمام وسائل فراہم کریں گے۔
یہ بات انہوں نے جوائنٹ اسٹاف ہیڈ کوارٹر راولپنڈی کے دورے کے موقع پر اظہار خیال کرتے ہوئے کہی۔
تفصیلات کے مطابق وزیراعظم شاہد خاقان عباسی نے جوائنٹ اسٹاف ہیڈ کوارٹر راولپنڈی کا دورہ کیا، وزیر دفاع خرم دستگیر بھی وزیراعظم کے ہمراہ تھے۔
اسٹاف ہیڈ کوارٹر آمد پرجنرل زبیرمحمود حیات نے وزیراعظم کا استقبال کیا، اس موقع پر مسلح افواج کے چاق وچوبند دستے نے وزیراعظم شاہد خاقان کو سلامی دی۔
وزیراعظم نے دہشت گردی کیخلاف جنگ میں پاک افواج کی قربانیوں خصوصا ًشہداء کی کوخراج عقیدت پیش کیا، وزیراعظم شاہد خاقان کومسلح افواج کی آپریشنل تیاریوں بریفنگ بھی دی گئی۔
وزیر اعظم نے مسلح افواج کی آپریشنل تیاریوں پر اطمینان کا اظہار کیا، وزیراعظم نے دفاعی ضروریات پورا کرنےکیلئے وسائل فراہم کرنے کی یقین دہانی بھی کرائی۔
