وزیر اعظم سے چیئرمین جوائنٹ چیفس آف اسٹاف کمیٹی کی ملاقات -
The news is by your side.

Advertisement

وزیر اعظم سے چیئرمین جوائنٹ چیفس آف اسٹاف کمیٹی کی ملاقات

اسلام آباد: وزیر اعظم عمران خان سے چیئرمین جوائنٹ چیفس آف اسٹاف کمیٹی جنرل زبیر محمود کی ملاقات ہوئی۔ ملاقات میں مسلح افواج سے متعلق معاملات پر اظہار خیال کیا گیا۔

تفصیلات کے مطابق وزیر اعظم عمران خان سے چیئرمین جوائنٹ چیفس آف اسٹاف کمیٹی جنرل زبیر محمود کی ملاقات ہوئی۔

ملاقات میں مسلح افواج سے متعلق معاملات پر اظہار خیال کیا گیا جبکہ باہمی دلچسپی کے امور بھی زیر غور آئے۔

خیال رہے کہ اس سے قبل وزیر اعظم عمران خان سے آرمی چیف جنرل قمر جاوید باجوہ کی بھی ملاقات ہوئی تھی۔ ملاقات میں قومی سلامتی کی صورتحال پر تبادلہ خیال کیا گیا۔

ملاقات میں ملک میں پائیدار امن اور استحکام کے عزم کا اظہار کیا گیا تھا جبکہ خطےمیں امن کے لیے کوششیں جاری رکھنے کے عزم کا اعادہ بھی کیا گیا۔

گزشتہ روز یوم دفاع کی مرکزی تقریب سے خطاب کرتے ہوئے وزیر اعظم عمران خان نے کہا تھا کہ پاکستان کی مسلح افواج اور انٹیلی جنس ایجنسی نے جنگ کے دوران شان دار کارکردگی دکھائی۔ کوئی بھی ملک ہماری افواج اور انٹیلی جنس ایجنسی کا مقابلہ نہیں کر سکتا۔

Comments

comments

یہ بھی پڑھیں