دبئی: متحدہ عرب امارات نے بھارتی وزیراعظم نریندر مودی کو ملک کا سب سے بڑا شہری اعزاز زید میڈل دے دیا۔
تفصیلات کے مطابق ابوظبی کے ولی عہد شیخ محمد بن زید النہیان نے سماجی رابطے کی ویب سائٹ ٹویٹر پر کہا کہ متحدہ عرب امارات کے صدر شیخ خلیفہ نے نریندر مودی کو یہ ایوارڈ دیا۔
ابوظبی کے ولی عہد نے کہا کہ بھارت کے ساتھ ہمارے تاریخی تعلقات ہیں، بھارتی وزیراعظم نریندر مودی کے اہم کردار نے ان کو مزید تقویت دی۔
تجمعنا بالهند روابط تاريخية وعلاقات استراتيجية شاملة، عززها الدور المحوري لصديقي العزيز رئيس الوزراء الهندي ناريندرا مودي الذي منحها دفعة كبيرة.. وتقديرا لجهوده يمنحه رئيس الدولة ''وسام زايد'' .. نثق بمستقبل واعد يجمع البلدين يعززه التفاهم والتعاون المشترك.
— محمد بن زايد (@MohamedBinZayed) April 4, 2019
جوابی ٹویٹ میں بھارتی وزیراعظم نریندر مودی نے شکریہ ادا کرتے ہوئے کہا کہ ولی عہد کی قیادت میں بھارت اور متحدہ عرب امارات کے درمیان تعلقات مستحکم ہوئے۔
مودی کو اعزاز ملنے پر بھارتی وزراء روی شنکر پرساد، سشما سوراج، شیو راج سنگھ چوہان کی جانب سے ابوظبی کے ولی عہد شیخ محمد بن زید النہیان کا شکریہ ادا کیا گیا۔
Thank you, Your Highness Mohamed bin Zayed Al Nahyan.
I accept this honour with utmost humility.
Under your visionary leadership, our strategic ties have reached new heights. This friendship is contributing to the peace and prosperity of our people and planet. https://t.co/gtAy00uffw
— Chowkidar Narendra Modi (@narendramodi) April 4, 2019
واضح رہے کہ بھارتی وزیراعظم نریندر مودی نے 2015 میں متحدہ عرب امارات کا دورہ کیا تھا، اس دورے کے دوران 5 معاہدوں پر دستخط ہوئے تھے جس میں انرجی سیکٹر، ریلویز ودیگر شامل تھے۔
جبکہ ابوظبی کے ولی عہد محمد بن زید النہیان نے 2017 میں بھارت کا دورہ کیا تھا انہیں بھارت کے یوم جمہوریہ کی پریڈ میں مہمان خصوصی کے طور پر مدعو کیا گیا تھا۔
یاد رہے کہ اس سے قبل زید ایوارڈ روس کے صدر پیوٹن، سابق امریکی صدر جارج ڈبلیو بش، سابق فرانسیسی صدر نکولس سرکوزی، جرمن چانسلر انجیلا مرکل، برطانیہ کی ملکہ الزبتھ دوئم اور چین کے صدر شی جن پنگ کو دیا جاچکا ہے۔
