اسلام آباد : وزیراعظم نوازشریف نے جرمنی کی کرسمس مارکیٹ میں مبینہ دہشتگردحملے کی مذمت کرتے ہوئے کہا کہ دہشت گردی مشترکہ دشمن ہے۔
تفصیلات کےمطابق جرمنی کے دارالحکومت برلن کی کرسمس مارکیٹ میں مبینہ دہشتگرد حملے پر افسوس کااظہار کرتے ہوئے کہاکہ پاکستان کی عوام دکھ کی اس گھڑی میں جرمنی کے ساتھ ہیں۔
وزیراعظم نواشریف کا کہناتھا کہ دہشت گردی مشترکہ دشمن ہے،پاکستان بھی دہشت گردی سے بری طرح متاثرہوا ہے۔
وزیراعظم پاکستان نے کہا کہ دہشت گردی کے خاتمے کے لیے مل کرلڑنا ہے،جبکہ دہشت گردی کے خاتمے کے لیے ہرممکن اقدامات کیے جارہے ہیں۔
مزید پڑھیں:برلن :کرسمس بازار میں ٹرک نےشہریوں کو کچل دیا،12افرادہلاک
یاد رہے کہ گزشتہ شب جرمنی کے دارالحکومت برلن کے کرسمس بازار میں ٹرک نےشہریوں کو کچل دیاتھاجس کے نتیجے میں کم سے کم 12 افراد ہلاک جبکہ 48 زخمی ہوگئے تھے۔
واضح رہےکہ جرمن پولیس کےمطابق اس ٹرک کی نمبر پلیٹ پولینڈ کی تھی اور اس کی مالک پولینڈ سے تعلق رکھنے والی ایک ڈلیوری سروس کمپنی ہے۔