site
stats
پاکستان

وزیراعظم ،آرمی چیف کا ایکشن پلان پرعملدرآمد تیزکرنے پراتفاق

اسلام آباد: وزیراعظم نواز شریف سے آرمی چیف راحیل شریف نے ملاقات کی، جس میں نیشنل ایکشن پلان پرعمل درآمد کی رفتار مزید تیز کرنے پر اتفاق کیا گیا۔

تفصیلات کے مطابق اسلام آباد میں وزیرِاعظم نواز شریف سے آرمی چیف جنرل راحیل شریف نے ملاقات کی، ملاقات میں نیشنل ایکشن پلان میں پرعمل درآمد کی رفتار کو مزید تیز کرنے پر اتفاق کیا گیا۔

ملاقات میں اس بات پر اتفاق کیا گیا کہ کراچی میں آپریشن جرائم پیشہ عناصر کیخلاف ہے، آپریشن کو بلاامتیاز اور سیاسی مصلحتوں سے بالاتر ہوکر اسے منطقی انجام تک پہنچانے کا عزم کا بھی اظہار کیا گیا۔

وزیراعظم اور آرمی چیف نے اس بات سے اتفاق کیا کہ دہشت گرد عناصرکے سہولت کاروں سے کوئی رعایت نہیں برتی جائے گی، ملاقات کے دوران دہشت گردی کے خلاف جاری آپریشن ضرب عضب میں اب تک حاصل ہونے والی کامیابیوں کا جائزہ اورملک کی اندرونی اور سرحدی سلامتی کی صورتحال پر بھی تبادلہ خیال کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top