لاہور: لاہور ہائیکورٹ نے حکومت سے وزیر اعظم کے مشیروں کی تعداد اور مراعات کی تفصیلات طلب کر لیں۔

تفصیلات کے مطابق چیف جسٹس لاہور ہائیکورٹ جسٹس منصور علی شاہ نے درخواست پر سماعت کی، جس میں وزیر اعظم نواز شریف پر توہین عدالت کا الزام لگایا گیا ہے۔

درخواست گزار نے بتایا کہ وزیراعظم کے مشیروں اور معاونین کی تعیناتی کا معاملہ ہائیکورٹ میں زیر سماعت ہے اور حکومت کی جانب سے جمع کرائی گئی رپورٹ میں 5 مشیروں کا ذکر کیا گیا ہے جبکہ وزیراعظم پاکستان کے اس وقت 7 مشیر ہیں۔

مزید پڑھیں : وزیراعظم نواز شریف کےخلاف لاہور ہائیکورٹ میں توہین عدالت اور نااہلی کی درخواست دائر

درخواست گزار کے مطابق حکومت نے جھوٹ بول کر معزز عدالت کو گمراہ کرنے کی کوشش کی، جو توہین عدالت کے مترادف ہے لہذا وزیراعظم نواز شریف کے خلاف توہین عدالت کے تحت کارروائی کرتے ہوئے انہیں نااہل قرار دیا جائے۔

دلائل سننے کے بعد عدالت نے حکومت سے وزیر اعظم کے مشیروں کی تعداد اور مراعات کی تفصیلات طلب کر لیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔