نیویارک: وزیراعظم نواز شریف اور امریکی وزیر خارجہ جان کیری کے درمیان ملاقات ہوئی جس میں وزیراعظم نے مسئلہ کشمیر کو حل کرانے کا مطالبہ کردیا اور کہا کہ بل کلنٹن نے مسئلہ کشمیر کے حل میں کردار ادا کرنے کا وعدہ کیا تھا، امریکی انتظامیہ اپنا کردار ادا کرے۔
US Foreign Minister calls on PM in New York by arynews
تفصیلات کے مطابق نیویارک میں موجود وزیراعظم نواز شریف نے امریکی وزیر خارجہ جان کیری سے ملاقات کی اور انہیں ان کے سابق صدر بل کلنٹن کا وعدہ یاد دلایا جس میں بل کلنٹن نے مسئل کشمیر کو حل کرانے کے لیے اپنا کردار ادا کرنے وعدہ کیا تھا۔
نواز شریف نے کہا کہ بھارتی جارحیت کے سبب مقبوضہ کشمیر میں 107 افراد شہید اور ہزاروں زخمی ہوچکے ہیں، ریاستی سطح پر انسانی حقوق کی خلاف ورزیاں کی جارہی ہٰں، بل کلنٹن نے مسئلہ کشمیر کو حل کرنے کے لیے کردار ادا کرنے کا وعدہ کیا تھا، توقع ہے امریکی انتظامیہ مسئلہ کشمیر کے حل میں اپنا کردار ادا کرے گی۔
نواز شریف نے جان کیری کو ضرب عضب کے تحت اٹھائے گئے دہشت گردی کے خلاف اقدامات سے آگاہ کیا اور کہا کہ ضرب عضب نے دہشت گردوں کی کمر توڑی دی، پاکستان اور امریکا کی شرکت داری خطے کے امن کے لیے اہم ہے۔
جواب میں امریکی وزیر خارجہ جان کیر ی نے دہشت گردی کے خلاف اقدامات کو سراہا اور کہاکہ امن و استحکام پاکستان اور افغانستان کے باہمی مفاد میں ہے۔