اسلام آباد: نیشنل الیکٹرک پاور ریگولیٹری اتھارٹی (نیپرا) کا کہنا ہے کہ وزیر اعظم ریلیف پیکج کے تحت 3 ماہ کے لیے بجلی سستی دی جارہی ہے، ریلیف مارچ سے جون تک فراہم کیا جائے گا۔
تفصیلات کے مطابق نیشنل الیکٹرک پاور ریگولیٹری اتھارٹی (نیپرا) کا کہنا ہے کہ وزیر اعظم ریلیف پیکج کے تحت 3 ماہ کے لیے بجلی سستی دستیاب ہوگی، عمل درآمد پہلے سے حکومت کرچکی ہے جبکہ نوٹی فکیشن بھی جاری کردیا گیا۔
نیپرا کا کہنا ہے کہ بجلی 5 روپے فی یونٹ سستی کرنے کی باقاعدہ منظوری بھی دی گئی ہے۔
نیپرا کا مزید کہنا ہے کہ ریلیف مارچ سے جون تک فراہم کیا جائے گا، حکومت صارفین کو 106 ارب روپے کی سبسڈی دے گی۔
