اسلام آباد : وزیراعظم شہبازشریف نے سوئیڈن اور نیدر لینڈز میں اسلامو فوبیا کے حالیہ واقعات پر اظہار تشویش کرتے ہوئے کہا ہمیں اسلامو فوبیا کے خلاف کھڑا ہونا چاہیے۔
تفصیلات کے مطابق وزیراعظم شہبازشریف نے سماجی رابطے کی ویب سائٹ ٹوئٹر پر سوئیڈن اور نیدرلینڈز میں اسلامو فوبیا کے حالیہ واقعات پر اظہار تشویش کیا۔
شہباز شریف نے کہا اسلاموفوبیا کے واقعات پر پاکستانی عوام اور تمام مسلمانوں کو شدید تکلیف ہوئی ، عالمی برادری ایسے واقعات کی مذمت اور گھناؤنے رویے روکنے کیلئے اقدامات کرے، ہمیں اسلامو فوبیا کے خلاف کھڑا ہونا چاہیے۔
People of Pakistan and Muslims around the world are deeply hurt by the recent incidents of Islamophobia in Sweden & the Netherlands. The international community must condemn these incidents & take steps to check such abhorrent behaviour. We must stand united against Islamophobia.
— Shehbaz Sharif (@CMShehbaz) April 19, 2022
یاد رہے پاکستان نے سویڈن میں قرآن پاک کی بےحرمتی کے مکروہ عمل کی سخت مذمت کرتے ہوئے باور کرایا تھا کہ عقل سے عاری اسلاموفوبیا پر مبنی عمل سے مسلمانوں کی دل آزاری ہوئی ہے ایسی حرکات سے دنیا بھر میں بسنے والے ڈیڑھ ارب مسلمانوں کے جذبات مجروح ہوئے ہیں۔
پاکستانی دفتر خارجہ نے کہا تھا کہ اس طرح کے مکروہ عمل کسی طور بھی آزادی اظہاررائے کے زمرے میں نہیں آتے ایسی کارروائیاں نہ تو انسانی حقوق کے بین الاقوامی قانون کے تحت آتی ہیں اور نہ ہی رائے کی آزادی کے زمرے میں آتی ہے۔
