اسلام آباد : وزیراعظم شہباز شریف نے ترکیہ میں زلزلے سے نقصانات پر اظہار افسوس کرتے ہوئے کہا پاکستان اپنے برادر ملک کی ہر ممکن مدد کرے گا۔
تفصیلات کے مطابق وزیراعظم شہبازشریف نے سماجی رابطے کی ویب سائٹ ٹوئٹر پر ترکیہ میں زلزلے سے نقصانات پر افسوس کا اظہار کرتے ہوئے ترکیہ حکومت اور عوام سے قیمتی جانوں کے ضیاع پر اظہارتعزیت کیا۔
وزیراعظم نے متاثرہ خاندانوں سےہمدردی کا اظہار کرتے ہوئے کہا کہ مشکل گھڑی میں ترکیہ حکومت اورعوام کے ساتھ ہیں، پاکستان اپنےبرادرملک کی ہر ممکن مدد کرے گا۔
Deeply saddened by the news of a massive earthquake that struck southeastern region of Türkiye. I send my profound condolences & most sincere sympathies to my brother President @RTErdogan & brotherly people of Türkiye on the loss of precious lives & damage to infrastructure.
— Shehbaz Sharif (@CMShehbaz) February 6, 2023
شہبازشریف کا کہنا تھا کہ ترکیہ نے ہر مشکل میں ہمیشہ پاکستان کا ساتھ دیا ہے، موسمیاتی تبدیلیوں سےتباہی کے بڑھتے واقعات خطرے کی گھنٹی ہے،موسمیاتی تبدیلیوں سے تباہی کسی ایک ملک یاخطے تک محدود نہیں۔
خیال رہے ترکیہ میں شدید زلزلے نے بڑے پیمانے پر تباہی مچادی ہے، جس کے نتیجے میں اب تک 76 افراد جاں بحق ہوئے اور کئی عمارتیں زمیں بوس ہوگئیں۔
ترک میڈیا کے مطابق کہ ترکیہ میں زلزلہ صبح 4 بجکر 17 منٹ پر آیا اور زلزلے کے جھٹکے ایک منٹ تک محسوس کئے گئے۔
