اسلام آباد : ایرانی صدر ابراہیم رئیسی کی شہادت پر وزیراعظم شہبازشریف نے ملک بھر میں یوم سوگ کا اعلان کردیا ، پاکستان میں قومی پرچم سرنگوں رہے گا۔
تفصیلات کے مطابق وزیراعظم شہباز شریف نے ایرانی صدر ابراہیم رئیسی کے ہیلی کاپٹر حادثے پر افسوس کا اظہار کرتے ہوئے ملک بھرمیں یوم سوگ کا اعلان کردیا۔
شہباز شریف کا کہنا تھا کہ ایرانی صدر کی شہادت پر پاکستان میں قومی پرچم سرنگوں رہے گا، ہیلی کاپٹرکی کریش لینڈنگ کی پیشرفت کو بے چینی س ےدیکھ رہے تھے ، اچھی خبرکی امید تھی لیکن افسوس ایسا نہیں ہوا, ایرانی صدر بچ نہ سکے
وزیر اعظم نے پوری قوم کی جانب سے ایران سے تعزیت کا اظہار کرتے ہوئے حادثے میں شہید ہونےوالوں کے درجات بلندی کی دعا کی۔
مزید پڑھیں : لائیو: ایرانی صدر ہیلی کاپٹر حادثے میں جاں بحق
شہباز شریف نے مزید کہا کہ پاکستان نے گزشتہ ماہ ایرانی صدر اور وزیر خارجہ کی میزبانی کی، ابراہیم رئیسی اوروزیر خارجہ کی میزبانی پرقابل مسرت تھی، وہ پاکستان کے اچھے دوست تھے۔
یاد رہے آذر بائیجان دورے سے واپس آتے ہوئے ایرانی صدر ہیلی کاپٹر حادثے میں جاں بحق ہوگئے، بی بی سی نے دعویٰ کیا ہیلی کاپٹرحادثے میں سوار تمام افراد جاں بحق ہوچکے ہیں۔
دوسری جانب ایرانی صدر کے ہیلی کاپٹر کا ملبہ تلاش کرلیا گیا ہے، ریسکیو ٹیمیں صدر رئیسی کے تباہ ہونیوالے ہیلی کاپٹر کے ملبے تک پہنچیں۔
