The news is by your side.

ایم کیوایم کا وزیراعظم سے پی پی سے معاہدے پر بطور ضمانتی کردار ادا کرنے کا مطالبہ

کراچی : ایم کیوایم کا وزیراعظم شہباز شریف سے پی پی سے معاہدے پر بطور ضمانتی کردار ادا کرنے کا مطالبہ کردیا اور وفاق کےتحت جاری منصوبوں ، کے فور اور ٹرانسپورٹ کےمسائل حل کرنے کی بھی درخواست کی۔

تفصیلات کے مطابق وزیراعظم شہباز شریف سے فیصل بیس پر ایم کیو ایم وفد کی ملاقات ہوئی ، ملاقات 45 منٹ تک جاری رہی ، ایم کیو ایم کیجانب سے خالد مقبول ،کنورنویدجمیل ، وسیم اختر اور امین الحق شامل تھے۔

وزیراعظم شہبازشریف کے ہمراہ خواجہ سعد رفیق بھی ملاقات کا حصہ تھے ،ذرائع ایم کیو ایم نے بتایا کہ ملاقات خوشگوار ماحول میں ہوئی اور معاہدے پر اب تک ہونے والی پیش رفت کا جائزہ لیا گیا۔

دوران ملاقات مین مردم شماری ، انتخابی اصلاحات سمیت دیگرمعاملات پربھی گفتگو ہوئی جبکہ بلدیاتی انتخابات میں اتحاد ، ورکنگ ریکیشن پر بات چیت کی گئی۔

ذرائع نے بتایا کہ ایم کیو ایم نے پی پی معاہدے پر بطورضمانتی وزیراعظم سے کردار ادا کرنے کا مطالبہ کرتے ہوئے وفاق کےتحت جاری منصوبوں ،کےفور ، ٹرانسپورٹ مسائل حل کرنے کی درخواست کی۔

وزیراعظم نے ایم کیو ایم کے وفد کو شہری سندھ کیلئے ہر وعدے کو پورا کرنے اور وسائل کو بروئے کار لانے کی یقین دہانی کرادی۔

Comments

یہ بھی پڑھیں