اسلام آباد : وزیراعظم شہباز شریف کا کہنا ہے کہ عدم اعتماد ووٹ سے متعلق سپریم کورٹ کے فیصلہ عمران خان اینڈ کمپنی کاجھوٹ اور پروپیگنڈا بے نقاب کرتا ہے۔
تفصیلات کے مطابق وزیراعظم شہباز شریف نے سماجی رابطے کی ویب سائٹ ٹوئٹر پر عدم اعتماد ووٹ سے متعلق سپریم کورٹ کے فیصلے پر ردعمل دیتے ہوئے کہا کہ فیصلہ عمران خان اینڈ کمپنی کاجھوٹ اورپروپیگنڈابے نقاب کرتا ہے، شرمناک ہے کہ عمرا ن خان نے آئین کو مجروح کرنے کی کوشش کی ، عمران خان نےرجیم چینج کا جھوٹ گھڑا، فیصلہ سب کے لیے پڑھنا ضروری ہے۔
Honourable Supreme Court’s detailed judgement on Vote of No Confidence exposes the lies & propaganda indulged in by Imran Khan & Co. Utterly shameful how IK tried to undermine the Constitution & manufactured the lie of "regime change”. The judgement is a must read for everyone.
— Shehbaz Sharif (@CMShehbaz) July 14, 2022
یاد رہے سپریم کورٹ نے ڈپٹی اسپیکر کی رولنگ کیخلاف ازخود نوٹس کا تفصیلی فیصلہ جاری کیا تھا ، 86 صفحات پر مشتمل تفصیلی فیصلہ چیف جسٹس پاکستان عمرعطا بندیال نے تحریر کیا۔
تحریری فیصلے کا آغاز سورہ الشعراء سے کیا گیا، فیصلے کے مطابق ڈپٹی اسپیکر کا تحریک عدم اعتماد مسترد کرنے کا فیصلہ غیرآئینی ہے وزیراعظم کا اسمبلیاں تحلیل کرنے کا حکم غیرقانونی اور کالعدم قرار دیا جاتا ہے۔
