وزیراعظم شہباز شریف نے کہا ہے کہ ریاست اپنی رٹ چیلنج کرنے والے دہشت گردوں کے خلاف زیرو ٹالرنس پالیسی اپنائے گی۔
اے آر وائی نیوز کے مطابق وزیراعظم شہباز شریف نے گزشتہ روز قومی سلامتی کمیٹی کے اجلاس کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
وزیراعظم نے اپنے ٹوئٹ میں کہا کہ قومی سلامتی کمیٹی نے گزشتہ روز طویل غور وخوض کے بعد بڑے فیصلے کیے ہیں۔ اس میں ایک فیصلہ یہ بھی ہے کہ ریاست اپنی رٹ چیلنج کرنے والے دہشت گردوں کے خلاف زیرو ٹالرنس پالیسی اپنائے گی۔
شہباز شریف نے مزید کہا کہ گزشتہ روز قومی سلامتی کمیٹی میں یہ بھی فیصلہ کیا گیا کہ اقتصادی روڈ میپ معیشت کو بحال اور لوگوں کو ریلیف فراہم کیا جائے گا۔
NSC took some major decisions yesterday after hours-long deliberations. Two of them stand out: State of Pakistan will adopt zero tolerance policy for terrorists challenging its writ. Peace is non-negotiable. Two, economic roadmap will revive economy & provide relief to the people
— Shehbaz Sharif (@CMShehbaz) January 3, 2023
واضح رہے کہ گزشتہ روز قومی سلامتی کمیٹی کا اجلاس وزیراعظم شہباز شریف کی زیر صدارت ہوا تھا جس میں گزشتہ اجلاس کے فیصلوں کی توثٖیق کرتے ہوئے کئی اہم فیصلے کیے گئے تھے۔
یہ بھی پڑھیں: ’معیشت پر ابہام پھیلانے والوں سے سختی سے نمٹا جائے‘ سلامتی کمیٹی اجلاس میں اہم فیصلے
اجلاس میں سوشل میڈیا پر ملک کی بدنامی کا باعث بننے والے عناصر کا جائزہ لیا گیا اور معیشت پر ابہام پھیلانے والوں سے سختی سے نمٹنے کی تجویز دی گئی۔