اسلام آباد : وزیرداخلہ رانا ثنااللہ آج وفاقی کابینہ کے اجلاس میں پی ٹی آئی چیئرمین عمران خان کی گرفتاری سے متعلق تجاویز دیں گے۔
تفصیلات کے مطابق وزیراعظم شہبازشریف کی زیرصدارت وفاقی کابینہ کا اجلاس آج گیارہ بجے وزیراعظم ہائوس ہوگا۔
ذرائع کا کہنا ہے کہ اجلاس میں ملک کی سیاسی، معاشی اور داخلی صورتحال پر غور کیا جائے گا۔
اجلاس میں عمران خان کی گرفتاری سے متعلق وزیرداخلہ راناثنااللہ مختلف آپشنز کابینہ کے سامنے رکھیں گے جبکہ پی ٹی آئی لانگ مارچ سے نمٹنے کی حکمت عملی پر بھی مشاورت ہوگی۔
وفاقی کابینہ کے اجلاس میں اقتصادی رابطہ کمیٹی فیصلوں کی توثیق کی جائے گی۔
