اسلام آباد : وزیراعظم شہباز شریف نے چینی کمپنی کو سولرآئزیشن منصوبے میں سرمایہ کاری کی دعوت دے دی ، جس پر وفد نے منصوبوں میں دلچسپی سے آگاہ کیا۔
تفصیلات کے مطابق وزیراعظم شہباز شریف سے چینی کمپنی کے وفد کی ملاقات ہوئی ، جس میں وزیراعظم نےچینی کمپنی کے پاکستان میں پن بجلی منصوبوں میں کام کو سراہا۔
شہباز شریف نے چینی کمپنی کو سولرآئزیشن منصوبے میں سرمایہ کاری کی دعوت دی اور وفد نے سولرآئزیشن سے متعلق 600 میگاواٹ کے منصوبوں میں دلچسپی سے آگاہ کیا۔
اس موقع پر وزیراعظم نے کہا کہ چین ہمارا کا دیرینہ دوست ہے ، چین نے ہر مشکل وقت میں پاکستان کا ساتھ دیا۔
ان کا مزید کہنا تھا کہ سی پیک میں سرمایہ کاری چین کی پاکستان سے دوستی کا منہ بولتا ثبوت ہے ، چینی کمپنیاں حکومت کے سولرآئزیشن منصوبے میں حصہ لیں۔
چینی وفد نے وزیراعظم کوسیلاب زدگان کی بحالی کیلئے 1 لاکھ ڈالر کا امدادی چیک دیا ، جس پر وزیراعظم شہبازشریف نے چینی کمپنی کے سیلاب زدگان کی مدد کے جذبے کو سراہا۔
