The news is by your side.

Advertisement

وزیراعظم شہباز شریف پارٹی قائد نواز شریف کی طلبی پر لندن پہنچ گئے

لندن : وزیراعظم شہباز شریف پارٹی قائد نواز شریف کی طلبی پر لندن پہنچ گئے، شہباز شریف اور پارٹی کے دیگر سینئر اراکین ہنگامی اجلاس میں شرکت کریں گے۔

تفصیلات کے مطابق وزیراعظم شہباز شریف برٹش ایئرویز کی پرواز بی اے2260 سے لندن پہنچ گئے ، ن لیگی رہنما احسن اقبال ،مفتاح اسماعیل،ایازصادق،مریم اورنگزیب ، عطاتارڑ اور ملک احمد خان شہبازشریف کے ہمراہ ہیں۔

وزیراعظم اور ن لیگ وزرا پارٹی قائد نوازشریف کے ہنگامی اجلاس طلب کرنے پر لندن پہنچے ، شہباز شریف سیکیورٹی حصار میں لندن ایئرپورٹ سے ہوٹل روانہ ہوئے ، اس موقع پر برطانوی سرکاری اہلکار وزیراعظم کے ہمراہ ہیں۔

خیال رہے مسلم لیگ ن کے اندر سے بھی قبل از وقت انتخابات کے لیے آوازیں اٹھنے لگیں اور بعض لیگی رہنماؤں نے فوری انتخابات میں جانے کا مشورہ دے دیا ہے۔

مشکل معاشی فیصلوں سے مقبولیت میں کمی پر ن لیگی قیادت لندن میں سر جوڑ کر بیٹھے گی، اجلاس میں الیکشن کیلئے بڑھتے دباؤ پر مشاورت کی جائے گی۔

گذشتہ روز معاشی اور سیاسی صورتحال پر نواز شریف نے لندن میں ہنگامی اجلاس طلب کیا تھا ، بعد ازاں وفاقی وزیراطلاعات مریم اورنگزیب نے بتایا تھا کلہ مسلم لیگ نون کا وفداپنے قائد نوازشریف سےملنےاورمشاورت کے لیے جارہا ہے، یہ کوئی غیرمعمولی چیزنہیں لیکن جن کی پارٹی میں مشاورت کا عمل نہیں ہوتا انہیں موقع مل گیا ہے۔

Comments

یہ بھی پڑھیں