The news is by your side.

Advertisement

معیشت کو کیسے سنبھالیں؟ وزیراعظم آج اتحادیوں سے اہم مشاورت کریں گے

اسلام آباد : وزیراعظم شہباز شریف آج آصف زرداری، فضل الرحمان اور خالد مقبول سے ملاقات کریں گے ، جس میں معاشی صورتحال سے متعلق اہم فیصلوں کا امکان ہے۔

تفصیلات کے مطابق وزیراعظم شہباز شریف آج اتحادیوں سے ملاقاتیں کریں گے، ذرائع کا کہنا ہے کہ آصف زرداری، فضل الرحمان اور خالد مقبول سے ملاقات ہوگی۔

ذرائع نے بتایا کہ اتحادیوں کو لندن میں ہونیوالے فیصلوں پر اعتماد میں لیا جائے گا اور ملاقاتوں میں مستقبل کے لائحہ عمل سے متعلق اہم مشاورت ہو گی۔

ملاقات میں حکومت کی مدت پوری کرنےیا اسمبلیاں تحلیل کرنےسےمتعلق بھی اہم فیصلوں کا امکان ہے۔

ذرائع کا کہنا ہے کہ قومی سلامتی کونسل کا اجلاس طلب کرنے کی تجویز بھی زیرغور آئے گی۔

خیال رہے وزیراعظم دورہ لندن اور یو اے ای کے بعد وطن واپس پہنچ گئے ہیں، ذرائع کا کہنا ہے کہ مشکل فیصلوں کیلئے ن لیگ اتحادیوں کو آن بورڈ لینا چاہتی ہے جبکہ مریم نواز اور بعض لیگی رہنما فوری الیکشن چاہتے ہیں۔

Comments

یہ بھی پڑھیں