اسلام آباد: وزیر اعظم پاکستان میاں شہباز شریف آج ایران کے دورے پر روانہ ہوں گے۔
ترجمان دفتر خارجہ کے مطابق ایرانی صدر ابراہیم رئیسی اور وزیر خارجہ امیر عبداللہیان کے ہیلی کاپٹر حادثے میں افسوس ناک انتقال پر تعزیت کے لیے وزیر اعظم شہباز شریف آج ایران جائیں گے۔
ترجمان دفتر خارجہ کا کہنا ہے کہ وزیر اعظم کے ہمراہ نائب وزیر اعظم اور کابینہ کے دیگر سینئر وزرا بھی ایران جائیں گے، دورے کے دوران وزیر اعظم ایران کے سپریم لیڈر آیت اللہ خامنہ ای سے ملاقات کریں گے۔
- Advertisement -
وزیر اعظم ایران کے قائم مقام صدر ڈاکٹر محمد مخبر سے بھی ملاقات کریں گے، اور پاکستان کے عوام اور حکومت کی جانب سے ایران سے تعزیت کا اظہار کریں گے۔
