اسلام آباد : وزیراعظم شہباز شریف نے سعودی عرب کی جانب سے سرمایہ کاری 10 بلین ڈالرتک بڑھانے پر سعودی ولی عہد کا شکریہ ادا کیا۔
تفصیلات کے مطابق وزیراعظم شہباز شریف نے سماجی رابطے کی ویب سائٹ ٹوئٹر پر سعودی عرب کی جانب سے سرمایہ کاری 10بلین ڈالرتک بڑھانے پر اظہار تشکر کیا۔
شہبازشریف نے کہا کہ سعودی ولی عہد شہزادہ محمد بن سلمان کےتہہ دل سے شکر گزار ہیں، ہم اسٹیٹ بینک کےپاس ڈپازٹس 5 بلین ڈالر تک بڑھانے پر غور کےفیصلے پرمشکور ہیں۔
Pakistan sincerely thanks HRH Crown Prince Mohammed Bin Salman for Saudi Arabia’s generous announcement of $1 billion @ Resilient Pakistan. We are immensely grateful for his decision to consider increasing Saudi investment up to $10 billion & deposits with SBP to $5 billion 🇵🇰 🇸🇦
— Shehbaz Sharif (@CMShehbaz) January 11, 2023
گذشتہ روز سعودی ولی عہدمحمد بن سلمان نے پاکستان میں سرمایہ کاری بڑھانے پرغورکی ہدایت کی تھی۔
اس حوالے سے سعودی صحافی کا کہنا تھا کہ سعودی سرمایہ کاری دس ارب ڈالر تک بڑھانے پر غور کی ہدایت کی گئی ، جبکہ سعودی فنڈ فار ڈویلپمنٹ کو پاکستان کے مرکزی بینک میں سعودی ڈپازٹ پانچ ارب ڈالر تک بڑھانے پر غور کی بھی ہدایت کی گئی ہے۔
