ریاض : وزیراعظم شہباز شریف آج سعودی فیوچر انویسٹمنٹ انیشیٹو سمٹ میں بھی شرکت کریں گے۔
تفصیلات کے مطابق وزیراعظم شہباز شریف سعودی عرب کے دورے میں آج سعودی فیوچر انویسٹمنٹ انیشیٹو سمٹ میں بھی شرکت کریں گے۔
دارلحکومت ریاض میں قیام کے دوران وزیراعظم سعودی ولی عہد سے ملاقات میں دونوں ممالک کے درمیان اقتصادی شعبے میں کثیر الجہتی تعاون کو مزید مضبوط بنانے اور دیرینہ برادرانہ تعلقات میں مزید بہتری کے حوالے سے بھی مشاورت کریں گے۔
وزیراعظم اجلاس کے بعد جدہ سے مکہ مکرمہ پہنچیں گے، جہاں وہ عمرہ کی سعادت حاصل کرنے کے بعد وطن واپس روانہ ہوجائیں گے۔
گذشتہ روز وزیراعظم شہبازشریف سعودی دارلحکومت ریاض پہنچے تو گورنر فیصل بن بندر آل سعود نے وفد کا استقبال کیا، شہبازشریف سعودی ولی عہد اور وزیراعظم کی دعوت پر دورہ کر رہے ہیں۔
وزیراعظم شہبازشریف اور گورنر فیصل بن بندر آل سعود کی ملاقات بھی ہوئی ، جس میں دو طرفہ تعلقات اورباہمی امورپرتبادلہ خیال کیا گیا۔
