لاہور : وزیراعظم شہباز شریف عسکری قیادت سےبھرپوراظہاریکجہتی کے لیے آج جناح ہاؤس کا دورہ کریں گے اور سی ایم ایچ میں زخمی اہلکاروں کی عیادت کریں گے۔
تفصیلات کے مطابق وفاقی حکومت نے عسکری قیادت سےبھرپوراظہاریکجہتی کافیصلہ کرلیا، وزیراعظم شہباز شریف آج جناح ہاؤس کا دورہ کریں گے، اس موقع پر نگران وزیراعلیٰ پنجاب محسن نقوی بھی ہمراہ ہوں گے۔
ذرائع نے بتایا کہ دورے میں وزیراعظم شہبازشریف عسکری قیادت سے اظہاریکجہتی کریں گے اور کینٹ میں سی ایم ایچ بھی جائیں گے۔
سی ایم ایچ میں وزیراعظم اور نگران وزیراعلیٰ زخمی اہلکاروں کی عیادت کریں گے جبکہ سروسزاسپتال میں بھی زخمی اہلکاروں کی عیادت بھی کریں گے۔
وزیراعظم کی زیرصدارت لاہور میں امن و امان سےمتعلق اجلاس ہوگا، اجلاس میں نگران وزیراعلیٰ پنجاب اوردیگرحکام شریک ہوں گے۔
ذرائع نے بتایا کہ اجلاس میں پنجاب میں امن و امان کی صورتحال کاجائزہ لیا جائےگا اور امن وامان کے حوالے سے وزیراعظم اورنگران وزیراعلیٰ کوبریفنگ دی جائےگی۔
اجلاس میں صوبےاورملک میں امن وامان قائم رکھنےکےلیےاہم فیصلے کیےجائیں گے۔
