اسلام آباد: وزیرِ اعظم محمد شہباز شریف ایک روزہ دورے پر کراچی پہنچ گئے۔
اے آر وائی نیوز کے مطابق وزیر اعظم شہباز شریف ایک روزہ دورہ پر کراچی پہنچ گئے جہاں گورنر سندھ کامران ٹیسوری نے ان کا استقبال کیا۔
وزیرِ اعظم کو کراچی میں کراچی پورٹ ٹرسٹ (KPT)، پورٹ قاسم اتھارٹی (PQA) اور پاکستان نیشنل شپنگ کارپوریشن (PNSC) کے حوالے سے بریفنگ دی جائے گی۔
علاوہ ازیں وزیرِ اعظم کراچی میں برآمدی اور درآمدی شعبے سے تعلق رکھنے والی کاروباری شخصیات کے وفد سے بھی ملاقات متوقع ہے۔جبکہ وزیرِ اعظم کراچی پورٹ کا دورہ کریں گے اور بندرگاہ کے آپریشنز کا جائزہ بھی لیں گے۔
پورٹ پر معاملات میں بہتری کے حوالے سے اہم فیصلے بھی کیے جا سکتے ہیں، دورے کے دوران وزیرِ اعظم ملکی آمدنی میں اضافے، کاروباری برادری کو سہولیات اور برآمدی و درآمدی شعبے کی اصلاحات کے حوالے سے بریفنگ لینگے اور اس حوالے سے بھی اہم فیصلے لئے جائیں گے۔
وزیراعظم شہباز شریف وزیر اعلی سندھ سے ہونے والی ملاقات میں صوبہ سندھ سے متعلق امور زیر غور ائیں گے۔
