امیر جماعت اسلامی حافظ نعیم الرحمان نے وزیراعظم شہباز شریف سے آئی پی پیز کے فرانزک آڈٹ کا مطالبہ کردیا۔
اے آر وائی نیوز کے مطابق وزیراعظم شہباز شریف امیر جماعت اسلامی حافظ نعیم الرحمان کا ٹیلیفونک رابطہ ہوا، انہوں نے بجلی کی قیمتیں کم کرنے پر وزیراعظم کا شکریہ ادا کیا۔
شہباز شریف نے کہا کہ مشکلات کے باوججود عوامی ریلیف کو اولین ترجیح دی، یہ مشن جاری رکھیں گے، پاکستان کی ترقی کا سفر جاری رہے گا۔
حافظ نعیم الرحمان نے کہا کہ ابتدائی طور پر بجلی کی قیمتوں میں کمی کا خیرمقدم کرتے ہیں، مزید کمی لاکر عوام کو پورا ریلیف دیا جائے۔
علاوہ ازیں انہوں نے مطالبہ کیا کہ تنخواہ دار ٹیکس دے لیکن یہ آئی پی پیز ٹیکس نہیں دیتے، آئی پی پیز کا فرانزک آڈٹ کیا جائے۔
دونوں رہنماؤں نے غزہ میں اسرائیلی جارحیت پر عالمی قوتوں کی خاموشی پر تشویش کا اظہار کیا۔
وزیراعظم نے اسرائیلی مظالم کے خلاف عالمی فورم پر آواز اٹھانے اور پاکستانی حمایت جاری رکھنے کا عزم ظاہر کیا اور کہا کہ صیہونی ظلم کا شکار نہتے فلسطنیوں کی حمایت پر پاکستان کا موقف واضح ہے۔
حافظ نعیم نے کہا کہ غزہ کی صورت حال پر پاکستان زیادہ موثر آواز اٹھائے اور فعال کردار ادا کرے۔
