اسلام آباد : وزیراعظم شہباز شریف نے اچھی کارکردگی والے طلبا کو بڑی خوشخبری سنادی اور تمام وفاقی سرکاری اداروں کو الیکٹرک بائیکس خریدنے کی ہدایت کردی۔
تفصیلات کے مطابق وزیراعظم شہباز شریف کی زیر صدارت الیکٹرک وہیکلز کےاستعمال کے حوالے سے اجلاس ہوا ، جس میں وزیراعظم نے کہا کہ بجلی سے چلنے والی گاڑیوں کے فروغ کیلئے حکومت ترجیحی اقدامات کررہی ہے،الیکٹرک وہیکلز سےایندھن کی بچت اورماحول میں بہتری پیدا ہوگی۔
وزیراعظم نے الیکٹرک وہیکلز کےحوالےسےجامع فنانشل ماڈل پیش کرنے کی ہدایت کرتے ہوئے وفاقی وزارت خزانہ اوراسٹیٹ بینک پاکستان سے مشاورت کی بھی ہدایت کردی۔
انھوں نے نومبر میں ای وہیکلز پالیسی مکمل کرنے اور ملک میں ای وہیکلزکی تیاری سےمتعلق لائسنز کا ضابطہ کار بہتربنانے کی ہدایت کرتے ہوئے کہ ای وہیکلز پالیسی پرصوبوں ،وفاقی اکائیوں ،اسٹیک ہولڈرزسے مشاورت کریں۔
وزیراعظم نے بڑی خوشخبری سناتے ہوئے کہا کہ لیپ ٹاپ اسکیم کی طرزپر اچھی کارکردگی والے طلبا میں ای موٹر بائیکس تقسیم کرینگے، قومی خزانےکی بچت کیلئےتمام وفاقی سرکاری ادارے الیکٹرک بائیکس خریدیں۔
اجلاس میں سی ڈی اے کو اسلام آباد میں بجلی پر چلنے والی پبلک ٹرانسپورٹ پر پلان ترتیب دینے کی بھی ہدایت کی گئی۔ْ
