اسلام آباد : وزیراعظم شہباز شریف نے کشمیری عوام کے مسائل حل کرنےکیلئے 23 ارب دینےکی منظوری دے دی۔
تفصیلات کے مطابق وزیراعظم شہبازشریف کی زیرصدارت آزاد کشمیر کی صورتحال پراجلاس ہوا، جس میں وزیراعظم آزادکشمیر، آزاد کشمیر حکومت کے وزرا اور اعلیٰ سیاسی قیادت نے شرکت کی۔
اجلاس میں وفاقی وزرااوراتحادی جماعتوں کے رہنما بھی شریک ہوئے۔
وزیراعظم نے کشمیری عوام کے مسائل حل کرنے کیلئے 23 ارب دینےکی منظوری دے دی،کشمیری قیادت نے شہباز شریف کاشکریہ اداکیا۔
یاد رہے وزیر اعظم شہباز شریف نے آزاد کشمیر کی موجودہ صورتحال کا نوٹس لیتے ہوئے مسلم لیگ (ن) کی قیادت کو ایکشن کمیٹی سے فوری رابطے کی ہدایت کی تھی۔
سماجی رابطوں کی ویب سائٹ ایکس (سابق ٹوئٹر) پر جاری اپنے بیان میں شہباز شریف نے کہا تھا کہ مذاکرات اور پُرامن احتجاج جمہوریت کا حسن ہے۔
انھوں نے خبردار کیاتھا کہ قانون ہاتھ میں لینے اور سرکاری املاک کو نقصان پہنچانا برداشت نہیں کیا جائے گا، ایسے حالات میں کچھ عناصر سیاسی پوائنٹ اسکورنگ کرتے ہیں۔
