اسلام آباد : وزیر اعظم شہباز شریف نے سپریم کورٹ میں الیکشن سےمتعلق کیس کےحوالے سے وفاقی کابینہ اوراتحادی رہنماؤں کےاجلاس کل طلب کرلئے۔
تفصیلات کے مطابق وزیر اعظم شہباز شریف نے سپریم کورٹ میں الیکشن سےمتعلق کیس کے معاملے پر وفاقی کابینہ اور اتحادی رہنماؤں کے اجلاس کل طلب کرلئے۔
اجلاس میں پنجاب و خیبرپختونخوا میں انتخابات، سیاسی جماعتوں سے مشاورتی عمل، معاشی صورتحال سمیت دیگر امور پر غور کیا جائے گا۔
اجلاس میں معاشی صورتحال اور آئی ایم ایف سے رابطوں پر بریفنگ دئیے جانے کا امکان بھی ہے۔
ذرائع کا کہنا ہے کہ اتحادی جماعتوں کےاجلاس میں پارلیمانی رہنماشرکت کریں گے، اجلاس میں ملکی سیاسی صورتحال پر تفصیلی مشاورت متوقع ہے۔
اجلاس میں وزیر اعظم پی ٹی آئی سے مذاکرات پر اتحادی رہنماوں سےمشاورت کریں گے۔
