اسلام آباد : وزیراعظم شہباز شریف نے نگراں وزیراعلیٰ پنجاب بننے پر محسن نقوی کو مبارکباد دیتے ہوئے کہا کہ الیکشن کمیشن کے فیصلے کا خیر مقدم کرتے ہیں۔
تفصیلات کے مطابق وزیراعظم شہباز شریف نے نگراں وزیراعلیٰ پنجاب بننے پر محسن نقوی کو مبارکباد دی۔
شہباز شریف نے کہا کہ الیکشن کمیشن نےآئین،قانون کے مطابق وزیراعلیٰ کے تقرر کا فیصلہ کیا، الیکشن کمیشن کے فیصلے کا خیر مقدم کرتے ہیں۔
وزیراعظم کا کہنا تھا کہ امید ہے شفاف، آزادانہ ،غیرجانبدارانہ انتخابات کے تقاضے پورے ہوں گے اور محسن نقوی آئین کے تقاضوں کے مطابق ذمہ داری نبھائیں گے۔
انھوں نے کہا کہ دعا ہےمحسن نقوی آئینی و عوامی فرض میں کامیاب ہوں ، بطور صدرمسلم لیگ(ن)آپ کی تقرری کا خیرمقدم کرتا ہوں۔
یاد رہے سابق صدر ۔آصف زرداری نے محسن نقوی کو بہترین انتخاب قرار دیتے ہوئے کہا تھا کہ محسن نقوی کے تمام سیاسی جماعتوں میں تعلقات ہیں، انہوں نےکبھی الیکشن لڑانہ کسی سیاسی سرگرمی کا حصہ بنے۔
