اسلام آباد: وزیر اعظم شہباز شریف نے ملک بھر میں بارشوں کے پیش نظر تمام وفاقی و صوبائی حکومتوں اور اداروں کو الرٹ رہنے کی ہدایت جاری کی ہے۔
تفصیلات کے مطابق وزیر اعظم شہباز شریف نے کراچی سمیت ملک کے دیگر علاقوں میں شدید بارشوں اور سیلابی صورتحال کے پیش نظر صوبائی حکومتوں اور متعلقہ اداروں کو الرٹ رہنے کی ہدایت کی ہے۔
وزیر اعظم نے ہدایت کی ہے کہ نیشنل ڈیزاسٹر مینجمنٹ اتھارٹی (این ڈی ایم اے) صوبائی حکومتوں اور اداروں کی بھرپور معاونت کرے، نشیبی علاقوں کے عوام کی جان اور مال کی حفاظت کو یقینی بنایا جائے۔
- Advertisement -
انہوں نے کہا کہ مشکل صورتحال میں وفاق سندھ حکومت کو ہر ممکن مدد فراہم کرے گا، منتخب نمائندے متعلقہ اداروں کے ریسکیو اور ریلیف کے کاموں کی مؤثر نگرانی کریں۔
