تازہ ترین

قومی و صوبائی اسمبلیوں کی 21 نشستوں پر ضمنی الیکشن کیلیے پولنگ ختم

اسلام آباد: قومی اور صوبائی اسمبلیوں کی 21 نشستوں...

پاکستان پر حملہ آور ایک اور افغان دہشت گرد بے نقاب

پاکستان پر حملہ آور 1 اور افغان دہشتگرد بے...

’پاکستان کیلیے آئی ایم ایف اور ورلڈ بینک سے اچھی خبریں آئیں گی‘

امریکا میں پاکستان کے سفیر مسعود خان نے کہا...

پاکستان کے بیلسٹک میزائل پروگرام کے حوالے سے ترجمان دفتر خارجہ کا اہم بیان

اسلام آباد : پاکستان کے بیلسٹک میزائل پروگرام کے...

پشاور دھماکہ: مجرموں کوصفحہ ہستی سےمٹا کردم لیں گے،وزیراعظم

پشاور: وزیراعظم شہباز شریف نے اس عزم کا اظہار کیا ہے کہ پشاور حملے میں ملوث شرپسند عناصر اور ان کے سہولت کاروں کو نشان عبرت بنائیں گے۔

تفصیلات کے مطابق پولیس لائنز پشاور حملے کے بعد وزیراعظم کی زیر صدارت پشاور میں ہنگامی اجلاس طلب کیا گیا، اجلاس میں آرمی چیف جنرل عاصم منیر سمیت اعلیٰ عسکری حکام نے شرکت کی۔

وزیراعظم کی زیر صدارت ہونے والے اجلاس کا اعلامیہ جاری کیا گیا ہے،اعلامیے کے مطابق پشاور پہنچنے پر آرمی چیف نے وزیراعظم کا استقبال کیا۔

خصوصی اجلاس میں کور کمانڈر پشاورکی جانب سے دہشت گردی کےعوامل اور محرکات پر بریفنگ دی گئی، وزیراعظم کو پولیس لائنز میں ہونے والے خودکش حملے کی سی سی ٹی وی فوٹیج دکھائی گئی۔

اعلامیے کے مطابق وزیراعظم نے شرکا سے خطاب کرتے ہوئے کہا کہ بزدلانہ حملے، دہشت گردی کےخلاف ہمارے قومی عزم کو کمزور نہیں کرسکتے،دہشت گردوں کے عزائم ریاست اورعوام کےاتحاد کی قوت سے ناکام بنائیں گے۔

وزیراعظم نے کہا کہ حملے میں ملوث شرپسند عناصراور سہولت کاروں کو کیفرکردار تک پہنچایا جائیگا، نیشنل ایکشن پلان پرپوری قوت سےعملدرآمد یقینی بنائیں گے اور مجرموں کو صفحہ ہستی سےمٹا کردم لیں گے۔

اعلامیے کے مطابق وزیراعظم نے آرمی چیف کے ہمراہ لیڈی ریڈنگ اسپتال پشاور کا دورہ کیا اور مسجد دھماکے میں زخمی افراد کی عیادت کی۔

واضح رہے کہ آج پشاور کے حساس علاقے پولیس لائنز میں واقع مسجد میں نماز ظہر کے دوران دھماکا ہوا تھا، دھماکے کے نتیجے میں اب تک 44 افراد شہید جبکہ 157 سے زائد زخمی ہوئے ہیں۔

سفاکانہ حملے کے بعد مسجد کا ایک حصہ بھی مہندم ہوا اور متعدد نمازی ملبے تلے دب گئے، اطلاعات ہیں کہ اب بھی کچھ نمازی ملبے تلے دبے ہوئے ہیں جنہیں نکالنے کے لئے ریسکیو آپریشن جاری ہے۔

Comments

- Advertisement -